Dispatser gipangdakop sa M’daue

Nadakpan sa joint operation sa kapolisan sa Mandaue City Police Office (MCPO) ang unom ka mga dispatcher nga nagpasiugda sa ilang ilegal nga kalihokan sa nagkadaiyang kadalanan sa dakbayan.

Si Inspector Pat Padaon, hepe sa traffic section sa kapolisan sa  maong dakbayan maoy nangulo sa  operation sa miaging gabii ug giabagan sa mobile patrol ug uban pa.

Ang mga nadakpan giila ni PO1 Erwin Odena nga mao sila si Gabby  Ploma Garces, 30, nga taga Basak dakbayan sa Lapulapu; Russel Luzano, 21 nga taga Carmen,  Tirso  Garcress, 29, taga Babag, dakbayan sa Lapulapu.

Dugang nadakpan mao sila si Walter Garces Quino, 28, taga Banilad;  Orlando De Dios, 53  taga Daan Bantayan; Leodegario Pusa Quimno, 42 , taga Basak, dakbayan sa Mandaue.

Gibase sa ordinansa  sa dakbayan ang pagdakop sa maong mga dispatcher nga nag-ingon nga pagpangulekta og salapi gikan sa mga drayber ang ilegal sanglit giisip kini nga “tong collection.”