Naghikog human awaya sa misis

Tungod sa kalisud nga niresulta sa panag-away tali sa  managtiayon, usa ka  bana ang naghikog  ug namatay sa Sitio Lomboy barangay Lebertad siyudad sa Bogo niadtong Lunes sa alas 12:00 sa udto.

Ang naghikog naila nga si Artemio Alarde, molupyo sa nahisgutang lugar.

Matod ni SPO3 Edgardo Terol sa Bogo City Police Station dihang nahinabi sa Banat News subay sa ilang pasiunang imbestigasyon ang ig-agaw  ni Alarde maoy unang nakakita sa patay’ng lawas  niini nga nagbitay  sa pisi nga nylon sa liog  niini nga gihigot sa atop sa ilang balay.

Matud ni SPO3 Terol dugang nahipos nilang kasayuran gikan sa mga silingan ug  kabanay nag-away  ang magtiayon sa sayo pa nianang adlawa.

Matud pa personal nga problema may labot sa kalisud sa kahimtang sa pagpuyo ang sentro sa gilalisan sa biktima og asawa niini nga niresulta sa pagpakamatay sa bana.