Hulga ni Rep. Pablo John gipakagamay ra sa MCWD
Wala mahulga ang Metropolitan Cebu Water District kon MCWD board sa bahad ni
Si Yu nga maoy managing director sa Cebu Investment Promotion Center (CIPC) nahimong sakop sa MCWD board isip representante gikan sa professional sector.
Kini human usab itudlo ni Mayor Tomas Osmeña nga mohulip sa gibiyaang posisyon ni Attorney Adelino Sitoy dihang nidaug pagka-mayor sa lungsod sa Cordova.
Apan gikwestyon ni Garcia ang appointment ni Yu tungod kay giingong illegal ang pagkatudlo niini, sa pagtuo nga si Gobernadora Gwendolyn Garcia maoy dunay appointing authority.
Giklaro hinoon sa chairman sa MCWD board nga si Juan Saul Montecillo nga wala sila mahadlok sa bahad sa kongresista.
Gipadayag ni Montecillo nga padayon nilang ilhon si Yu isip sakop sa MCWD board hangtud nga sila makadawat og restraining order gikan sa korte.
Apan giinsister ni Kongresista Garcia nga dunay kaso nga ilang gisang-at sa korte ug mahimong mapasakaan ang MCWD board og contempt of court sa ilang gihimo.
Taliwa niini gipakawalaybili lang ni Montecillo ang pamahayag ni Garcia tungod usab sa iyang gibarugan nga katarungan.
“Naa lagi kaso pero ang ilang petition for declaratory relief, walay prayer for restraining order, so, the usual appointing authority was not restrained,” nagkanayon si Montecillo.
Gitataw sa MCWD board chairman nga ang sunod nilang tigom gitakda karong Marso 10 ug kung sila dili makadawat og restraining order pabilin nilang ilhong sakop si Yu.
- Latest
- Trending
