Byron mipasalig sa publiko
Gipasalig ni Capitol security consultant Byron Garcia ngadto sa publiko nga dili na sila makakita og mga hugaw nga mga dispatser sulod sa Cebu South Bus Terminal.
Matud ni Garcia nga dili na niya pasudlon sa terminal ang mga dispatser nga magsuot lang og shorts ug t-shirts.
Hinuon miingon siya nga moabot gyud ang panahon nga wagtangon niya ang tanang dispatchers sulod sa maong terminal.
Matud pa niini, ang mga kondoktor mao na lang ang himuon nga dispatser aron dili na gyud masamok ang terminal nga nahimutang
Gibutyag usab ni Garcia nga iyang i-ban sulod sa maong terminal ang usa ka Dodong Recla tungod sa reklamo sa mga bus drivers sa maong terminal nga mamiktima nila.
Gani gitug-an ni Garcia sa mga tigbalita nga iya nang gipatawag ang tag-iya sa Chan Transit, ang bus company nga gialagaran ni Recla ug gipahimangnuan nga dili na pasudlon ang maong dispatcher gumikan sa ilegal nga kalihukan niini.
Miingon si Garcia nga dako siya og tinguha nga wagtangon ang tanang ilegal nga dispatser kinsa kanunay lang manghingi og dagkong kantidad sa mga bus drivers. (Rey B. Pasaporte)
- Latest
- Trending
