CH di mokopya sa pamaagi sa Toledo

Walay plano ang kagamhanan sa dakbayan sa Sugbu nga kopyahon ang lakang ug paagi sa siyudad sa Toledo pagpaminos sa mga kaso sa dengue.

Kini kung ang chairman sa Committee on Health sa City Council, Konsehal Christopher Alix, maoy paminawon ug tuohan.

Ang kagamhanan sa dakbayan sa Toledo misaad paghatag og cash incentive ngadto sa napulo ka mga barangay sa siyudad nga dunay mas minos sa dengue cases.

Labing minos P20 mil ang ihatag sa city government sa Toledo ngadto sa mga barangay nga labing gamay og kaso sa dengue.

Kini agi’g pagdasig ngadto sa kabarangayan ilabi na sa mga molupyo nga kanunay’ng manglimpyo sa ilang palibot.

Gipasabot sa konsehal nga katungdanan sa matag molupyo ang pagpanglimpyo sa ilang kaugalingon ug palibot, ug dili na angayan nga kini hatagan og ganti.