Sen. Zubiri guest sa Sukna

Si Senador Miguel "Mike" Zubiri sa Bukidnon maoy pinasidunggang dinapit sa launching sa "Sukna Forum" nga gipasiugdahan sa Sugboanong Komentaristang Nagpakabana (SUKNA) Inc., ubos sa pamunoan ni kanhi Mayor sa Cordova Arliegh Sitoy nga mao gayud ang mipersonal og dapit sa Kongresista.

Ang maong kalihukan adto magsukad sa Vienna Kaffeehaus sa Gen. Maxilom Ave., ning siyudad, karong umaabot Sabado, Pebrero 23, ug sugdan alas 11:00 sa buntag atol sa live radio program sa Sukna pinaagi sa kahimanan sa estasyon DYRF ug si Mayor Soc Fernandez mao ang mag anchor. Unya saw-on sa estasyon DYKC 12:30 hangtod 1:00 ubos sa programa ni abogado Vic Biaño nga mao ang Bise-presidente sa SUKNA.

Gibutyag ni Pres. Arleigh nga kining "Sukna Forum" magpadayon sa umaabot nga mga adlaw kay kini  himoong taytayan sa mga tawo nga buot mangita sa kamatuoran kay sagad unya sa mga dinapit mga dagko man sa gobyerno ug mga inilang politiko sa atong nasud. (PR / Loy Jurado)