Motor sa MCPO gihatag

Gitugyan ni Mayor Jonas Cortes ngadto sa kapolisan ang 12 ka motorsiklo nga maoy magamitsa pagtubag sa alarma.

Gipalit sa kagamhanan sa maong dakbayan gikan sa usa ka kompaniya sa mga sakyanan sa maong dakbayan isip tubag sa kakulang sa kapolisan.

Gikumpletohan na kini sa mga kahimanan nga naglakip sa blinkers ug mga siren nga maoy gamiton sa matag higayon nga gamiton kini sa kapolisan.

Sa nasayran nga ang kakulang og sakyanan sa unom ka presinto sa kapolisan maoy nag-unang katarungan sa kapolisan sa ilang kalangan sa pagtubag og alarma.

Nasinati ang maong suliran human ang mga Terrano nga giabangan sa RDAK Transport Industries ang wala na marenyo ang kontrata.

Nagdumili na sa pagpadayon og abang ang kagamhanan sa Mandaue sa maong mga sakyanan sa RDAK Transport sanglit maoy giplano ang pagpalit og kaugalingon ug bag-o nga sakyanan.