Inahan nagpusil sa ulo

Kritikal ang kahimtang sa usa ka inahan human kini misuway paghunos sa iyang kinabuhi gamit ang kalibre 38 diha sa Sitio Simangan, Barangay Guinacot dakbayan sa Danao sa milabay’ng adlaw.

Ang biktima mao si Genelyn Labador, 31ug residente sa maong dapit

Sa imbestigasyon nga gihimo ni SPO1 Rodrigo Roble sa kapolisan sa Danao nasayran nga gumikan sa personal nga problema nga si Labador lang ang nasayod maoang motibo sa pagsuwayniini og hikog.

Base sa mga anak sa biktima nga ilang nakita ang ilang inahan (biktima) nga misaka sa ilang panimalay nga nagdala og mga sinina ug armas nga mobuto.

Pipila ka gutlo, usa ka masipang buto ang ilang nabati ug sa dihang ilang kining gisusi nakita nalang nga nagkadugona kini.

Si Labador nga samaran sa iyang tuong dughan gidali og dala sa Danao District hospital ug gibalhin sa VSMMC diin sa pagsuwat ning balita ubos pa gihapon kini sa obserbasyon.

Si SPO1 Roble nga miresponde sa maong alarma nakakuha og usa ka kalibreng paltik revolber nga 38 lakip na ang upat ka buhing bala ug usa ka empty shell sa maong kalibre sa armas nga maoy gigamit ni Labador sa pagsuway og hunos sa iyang kinabuhi.