Inday Neri miangkong iya ang BMW
Pulos giangkon nila ni Kongresista Nerissa Soon Ruiz ug kanhi Cebu City Hall Ombudsman Romeo Cordova nga nanag-iya sa mga sakyanan nga napatik sa pamantalaang The Freeman.
Si Ruiz ug Cordova nalakip sa “hot list” sa Presidential Anti-Smuggling Group (PASG) labot sa 29 ka personalidad nga giingong nanag-iya og luhong mga sakyanan sa Sugbu nga gisumiter ngadto sa House Committee on Good Government.
Ang kongresista miangkon nga nanag-iya og BMW Sedan apan dili 2006 kun dili 1999 model ug kini giingong napalit sa kantidad nga mokapin sa
Sa iyang bahin, wala usab managana pag-angkon si Cordova sa iyang napalit nga Isuzu Bighorn model 2006 nga lakip nga gikwestyon sa PASG.
Matud ni Cordova nga ang maong sakyanan iyang napalit og P450 mil sa
“Gi-display man na sa Ardak diha sa SM, unya naka-uyon man ko di akong gipalit, gidata-datahan pa man gani nako na,” sumala pa ni Cordova.
“Nahibulong ko nga giapil man akong ngalan nga dili man na matawag nga luxury car akong sakyanan, second hand man gani na,” dugang pamahayag ni Cordova.
Andam mopamatuod si Cordova nga dili ilegal ang iyang pag-angkon sa nahisgutang sakyanan ug giingong siya dunay mga dokumento nga mopamatuod niini.
Gipasalig usab sa kanhi Cebu City Hall Ombudsman nga mokooperar kun dunay ipahigayon nga imbestigasyon niini.
Ingon usab niini ang pasalig ni Ruiz, apan karon pa lang gipadayag nang daan sa kongresista nga siya inosente pag-angkon sa iyang sakyanan.
“Ang nagbaligya ra man ana nga si Rolando Ting maoy naghikay sa mga dokumento iya na man nang gigamit unya akong gipalit,”nagkanayon si Ruiz.
“I was an innocent victim, I was just buying it kay akong nakita nga ang registration papers niya, limpyo man sa ngan ni Mr. Ting,” dugang pamahayag sa kongresista.
Ang pagkadiskobre sa 29 ka personalidad sa Sugbu nga nanag-iya og luhong mga sakyanan nahibaw-an dihang mipahigayon og “random survey” ang PASG-7.
- Latest
- Trending
