Polis sa traffic group nadakpan sa entrapment sa NBI-7
Arestado sa usa ka entrapment operation sa National Bureau of Investigation ang usa ka polis nga nadestino sa City Traffic Office Management samtang misuway og “kilkil” og kwarta ug nanghangyo pa og date sa usa ka dalaga kansang uyab nadakpan niini aron di nalang kasuhan. Wala kaugpo si SPO1 Romeo Cabrera, atol nga “nakig-date” kang Almar Cabahug dihang gisikop sa mga ahente sa NBI pinanguluhan ni Atty. Bernard de la Cruz. Ang pag-aresto natigayon human mosang-at og reklamo si Cabahug sa NBI kagahapon sa buntag tungod sa giingong pagpiit kanila sa maong polis dihang nakadasmag sila sa iyang uyab nga si Patrick Tambog niadtong Biyernes diha sa Parian.
Sumala pang Cabahug nakadasmag ang iyang uyab og jeepney nga nagbiyahe’g Labangon, tungod sa karatol giuna og hatud ni Tambog si Cabahug sa balay sa higala una pa kini mibalik diha sa gihitaboan. Apan sa iyang pagbalik gidiretso og dakop si Tambog tungod kay giingong dunay drugas nga nakuha diha sa iyang sakyanan. Giingong gipangayoan sila ni Cabrera og P100,000 aron iyang buhian si Tambog ug dili nalang ihinayon ang tanang giplanong kasong ilang ipasaka.
Giingong kasong driving without license, failure to bring vehicle registration ug illegal possession of prohibited drugs ang gihulgang kaso nga atubangon sa iyang uyab.
Diha sa buhatan sa CITOM gikatahong gihimong P30,000 ni Cabrera ang gipangayo apan kinahanglang makig-date kaniya si Cabahug ug gisugdan siya og panguyab sa maong polis.
Niadtong Domingo, gikatahong gimandoan siya sa maong polis nga ipahatud ang P10,000 apan tungod sa kalibog wala motuman si Cabahug hangtud nga nakadesider kining magpatabang sa NBI hinungdan nga natigayon ang entrapment.
Si Cabrera gikatahong nakigkita kang Cabahug sa
Nakuha kang Cabrera ang iyang .45 caliber pistol, marked money nga P10,000. Sumala pang NBI regional director Medardo de Lemos kasong extortion maoy ilang ipasaka batok sa maong polis.(Edwin Ian Melecio ug report gikan sa The Freeman)
- Latest
- Trending
