Inday Neri nanag-iya'g BMW, gisusi sa PASG
Si Kongresista Nerissa Soon-Ruiz, kanhi Cebu city hall ombudsman Romeo Cordova ug negosyante si Anthony Luy apil sa 29 ka mga tag-iya og luhong sakyanan nga gisusi sa Presidential Anti-Smuggling Group tungod sa kuwestiyonable nga pagrehistro sa ilang sakyanan.
Ang ngalan ni Soon-Ruiz, Cordova ug Luy nalakip sa listahan nga gisumiter sa PASG ngadto sa House committee on good government nga gipanguluhan ni Kongresista Pedro Romualdo sa Camiguin.
Sumala pa sa report, si Soon-Ruiz nanag-iya og BMW Sedan model 2006 nga adunay engine number 26439126 ug chassis number WBACL31000LG26800 ug nagtangag sa plate number nga YBY 515. Narehistro kini niadtong Agosto 8, 2007 sa LTO-Toledo.
Sa samang report, si Cordova nanag-iya og Isuzu Bighorn model 2006 nga adunay engine number 4JG2-664353 ug chassis number UBS69GW-7201007 ug may plate number nga YCM 481. Ang sakyanan narehistro niadtong Enero 5, 2007 sa LTO-Cebu city, apan namarkahan sa PASG nga “illegally attached/transferred to high-end vehicle.”
Laing nalakip sa lista si Anthony Luy, ang amahan ni kanhi Sangguniang Kabataan ferederation president Anthony Jones Luy. Sa dokumento nakatala ang ngalan ni Luy nga “Kim Kok-Luy” kinsa giingong nanag-iya og BMW
Ang report sa PASG gibase sa manuscript sa briefing ni PASG-7 director Ariel Palcuto nga gisumiter niini ngadto kang Undersecretary Antonio Villar, ang hepe sa PASG.
Sumala pa sa briefing ni Palcuto nga ang pagkasakop sa 29 ka mga nanag-iya og mga luhong sakyanan sa Cebu, lakip na ni Soon-Ruiz, Cordova ug Luy maoy resulta sa random survey sa mga high-end vehicles nga kasagaran mga BMWs ug Mercedez Benz.
“Plate numbers were noted and verification letters were sent to LTO to find out the history and legal background,” sumala pa ni Palcuto sa iyang report.
Sumala pa ni Palcuto nga ang LTO mitubag nga sa 29 ka tag-iya sa sakyanan, 15 niini gikatahong giisyuhan og “sporting plate numbers” apan anomalosong nabalhin ngadto sa laing yunit.
Sa laing bahin, si Cuenco miawhag sa PASG sa pagsusi sa 74 ka mga container vans nga gisudlan og mga ukay-ukay ug luhong mga sakyanan nga gikan sa Korea, Singapore, Japan ug USA.
Sumala pa ni Cuenco nga gikahibudngan kaayo niya ang maong dokumento nga gihatag sa iyang “intelligence network” gikan sa Bureau of Customs Port of Cebu nga ang 74 ka container vans gipaabot dinhi sa
Ang maong dokumento kumpleto kaayo sa impormasyon ug matud ni Cuenco nga igo kaayo kining magamit sa PASG pagsusi sa mga ngalan sa importer ug broker sa maong mga pinayuhot nga ukay-ukay ug luhong sakyanan.
Gitataw hinuon niya nga wala siya mag-apas nga mataral sa hukmanan ang maong mga tawo nga anaa sa dokumento, apan kun may ebidensiya nga makit-an ang PASG, pasagdan na ang balaod sa pagsilot sa nakalapas. (John Rey Saavedra)
- Latest
- Trending
