Polis nag-rambo sa talisay
Gibati og kahadlok ang mga residente sa sitio Kalmar, Barangay Lawaan I, dakbayan sa Talisay sa dihang ang usa ka polis kinsa giingong hubog kalit lang mitungha nga nagdala og armalite human sa nahitabong induction sa mga opisyal sa urban poor sa maong lugar niadtong Sabado sa gabii.
Ang polis nga nag-rambo mao si PO3 Mikie Espina kinsa nadestino diha sa Theft and Robbery Section (TRS) sa Talisay Police Station ug residente usab sa maong lugar.
Atol sa maong insidente, si Konsehal Shirley Belleza ug ang kapitan sa barangay nga si Jerson Laceda nakasaksi tungod kay mga dinapit man sila sa nahisgutang induction.
Si Belleza mismo ang mitawag ug mipahibawo kang Supt. Romeo Perigo, hepe sa kapolisan sa dakbayan kabahin sa gibuhat ni Espina kinsa nagsul-ob lang og karsones nga walay sapot sa ibabaw'ng bahin sa iyang lawas nga nagdala og M16 rifle duol sa mga tawo nga nagtapok.
Si Laceda mibutyag sa maong hitabo ngadto sa kapolisan nga miresponde sa insidente.
Ang mga polis pinangulohan ni SPO4 Henry Obiso daling miresponde sa maong taho ug mideretso ngadto sa balay ni Espina pagkompirmar sa hitabo.
Base sa natala sa blotter sa kapolisan nga si Espina miangkon nga nagdala siya og armalite ug miadto sa balay ni SPO2 Ronnie Alfafara polis nga nadestino sa dakbayan sa Sugbu kinsa residente usab sa lugar aron magpa-back-up.
Matud ni Espina nga adunay duha ka lalaki nga nagsakay og motorsiklo ug ang
Sa maong hitabo ang nahisgutang polis mibutyag nga dali siyang midagan sulod sa iyang balay ug mikuha og armalite dayon adto sa balay ni Alfafara aron magpa-back-up.
Nakita sa Banat News ug sa opisyal sa siyudad ug barangay nga si Espina ang gihatod ni Alfafara paingon pauli sa ila tungod kay ang mga tawo sa lugar gibati na og kahadlok.
Ang Banat News mitawag kang Perigo aron makuhaan kini og pamahayag kabahin sa maong insidente apan dili ma-contact ang cell phone niini.
- Latest
- Trending
