16 anyos kuhaag armas

Gipasakaan na og kasong kalapasan sa illegal possession of firearms kagahapon sa buntag  ang usa ka menor de edad nga sakop sa  gang.

Ang 16 anyos nga suspetsado taga  Sitio Riverside Barangay Lorega San Miguel nasikop mga alas 12:40 kagahapon kaadlawon sa mga sakop barangay tanod sa barangay T. Padilla ning dakbayan.

Si SPO2 Rodrigo Mangubat sa Parian Police Station nga gikahinabi sa Banat News miingon nga ang suspetsado uban sa laing upat ka mga higalang batan-on diha sa Sitio Freedom sa Barangay T. Padilla  nasigpatan sa nag-roving nga mga tanod nga adunay armas.

Matud pa ni SPO2 Mangubat nga nasakpan sa akto  ang  suspek nga nisuksok na unta sa iyang hawak sa 38. kalebring  rebolber nga adunay lima ka buhing bala.