Cebu City di mawani sa bag-ong speaker
Gisalikway ni Kongresista Antonio Cuenco ang kabalaka ni Mayor Tomas Osmeña pagbotar nila ni Cebu City North District Congressman Raul del Mar pabor sa gipalagpot nga house speaker Jose de Venecia Jr.
Ang mayor nakapanglantaw nga maminusan na ang suporta sa Kongreso dinhi sa dakbayan pinaagi sa mga proyekto, karon nga nahukasan na sa iyang katungdanan si de Venecia, nga maoy gidapigan sa duha ka kongresista sa siyudad.
Apan lahi ang pagtoo ni kongresista Cuenco tungod kay giingong dili ang administrasyon ang ilang kontra pagbutar nila ni
“Dili man si Gloria ang among kontra, sangga man mi ni Gloria, ang among loyalty nagpabilin man niya, nakasabot si Gloria ana uy, ug wala siyay bisan unsang pagmahay sa among nakab-ot nga desisyon,” nagkanayon si kongresista Cuenco.
“Kanang katahap ni mayor Tom dili siguro na mahimong tinuod kay sa akong pagtoo walay pagkutas ang mga projects namo kay sa ako nang giingon dili man si Gloria ang among kontra, unya ang nihulip kang de Venecia kauban man sab namo og partido,” sumala ni Cuenco.
Kahinumduman nga sa walo ka kongresista sa Sugbu, sila lang si Cuenco ug del Mar ang pabiling mipaluyo sa kanhi house speaker, taliwa sa kamatuoran nga mayoriya sa ilang mga kauban ang mibali na ug nipalagpot kang de Venecia sa katungdanan.
Subling gipadayag ni Cuenco ang ilang rason, nganong didto sila si kongresista
“Dako gyud ang among kaikog kang de Venecia ug tungod sa among konsinsya kay nakasaad na mi, mao to nga didto mi nipabor niya apan dili na maisip ug wala na magpasabot nga nakigkontra na mi ni Gloria,” sumala ni kongresista Cuenco.
Midugang ang kongresista nga human sa nahitabong kasikas sa ubos balay balauranan, ila gilayong gibag-o ang pagsalig ngadto kang presidente Arroyo, hinungdan nga gisalikway ni Cuenco ang bisan unsang mga katahap nga maminusan ang ilang mga proyekto.(EB)
- Latest
- Trending
