Australian nalumos

Usa ka tigulang nga langyaw ang napalgang patay nga naglutaw-lutaw sa dagat sa usa sa mga beach resort sa lungsod sa Moalboal niadtong Sabado sa barangay Basdako.Giila sa kapolisan ang maong tawo mao si Alfred George Peason, 74, usa ka Australian kinsa nibisita lang sa iyang higalang mga langyaw nga ningbakasyon usab sa usa sa mga beach resort sa naasoy'ng dapit. Base sa imbestigasyon sa kapolisan gipangulohan ni PO2 Teodolo Baya nagbutyag nga ang biktima naabot nianang alas 12 sa udto sa susamang adlaw diha sa Delgados Beach Resort tungod sa imbitasyon sa managtiayong Graham Chaplin nga nagpahulay niadtong tungura diha sa usa ka giabangang kuwarto sa maong beach resort. Gikan pag-abot ni Peason dali kining naglangoy-langoy sa dagat apan kalit kining nahanaw ug dihang nakit-an patay na kini. (Rey B. Pasaporte)