3 ka doktor ikiha kay na-dengue patay
Nag-atubang karon og problema ang
Medical malpractice/negligence ang kasong gipasaka sa magtiayong Jose ug Jean Gulfan batok kang Dr. Sheryl Emverda, tungod sa giingong pagdumili sa maong doktor nga ma-admit ang pasyente nga si Stanley Shanz Gulfan, 7 anyos, nga gihilantan, nagsuka-suka ug mibati og kasakit sa iyang tiyan.
Imbes atimanon, gitambagan hinoon ang magtiayong Gulfan nga ipauli ang bata tungod kay kini giingong walay angayang kabalak-an.
Apan nagduda ang magtiayon tungod kay wala molurang ang gibati sa bata hinungdan nga ila kining gibalik pagdala sa
Awahi na nga nasayran sa maong doktor nga gi-dengue ang bata taliwala sa pagduda sa magtiayong Gulfan.
Tungod niini, wala na matabang ang sakit nga gihambin sa bata ug kini namatay niadtong Disyembre 13 sa miaging buwan, tulo ka adlaw human ma-admit ang biktima.
Laing reklamo sa magtiayon mao ang pagpamugos sa nahisgutang tambalanan nga sila pabutangon og downpayment sa dili pa ma-admit ang ilang anak.
Kini usab ang hinungdan nga nalangay ang bata paghatod sa intensive care unit sa hospital taliwala sa paglisod na niini sa pagginhawa.
Tungod niini midangop ang magtiayon ngadto kang Konsehal Gerardo Carillo alang sa pagpangayo og tabang nga makakuha og hustisya sa kamatayon sa ilang anak.
Sa iyang bahin, gipasalig ni Carillo ang pagtabang sa hingtungdan pinaagi sa pagsang-at unya og mga kaso sa laing duha ka doktor.
Sila si Dr. Margaret Modequillo ug Dr. Willy Dublin giingong nagdumili usab pag-atiman sa bata hangtud nga nakabayad ang magtiayon sa gikinahanglang deposit.
Labaw sa tanan miingon si Carillo nga nakalapas usab ang tambalanan sa Akta Republika Numero 8344 hinungdan nga lakip kining pasakaan nila og tukmang kaso.
Ang nahisgutang balaod magsilot sa mga tambalanan nga magdumili pagdawat ug pag-atiman sa mga pasyente nga dili makahatag og downpayment.
- Latest
- Trending
