Lalaki gitabangan og abis sa magsuon

Usa ka lalaki  gitabangan og abis sa iyang kalawasan sa habol nga sanggot sa tulo ka managsoon nga gikainom  sa sitio Dunggoan sa barangay Bolinawan, dakbayan sa Carcar. Dali kining gidala sa tambalanan tungod sa mga samad-samad ug bun-og  nga naangkon.

Ang biktima mao si Jaime Alcorcon, 38, ulitawo ug ang mga suspetsado giila nga mao sila si Randy, Euteqio ug Arnel nga pulos nagdala og bansagon nga Aldaya nga pulos hingkod ang panuigon ug pulos lumolupyo sa maong dapit.

Si SPO4 Jonas Pananganan, acting chief sa kapolisan sa maong dakbayan nga nahinabi sa Banat News miingon nga dinapit ang biktima ug mga suspetsasdo sa nagsaulog og birthday nga ilang silingan.

Gikainom sa biktima ang tulo ka managsuon hangtod mitumaw ang panaglalis nga misangko sa pagpulipuli og abis sa kalawasan sa biktima nga maoy gigamit ang habol nga sanggot.

Human sa maong  hitabo ang tulo ka suspetsado  dali usab nga nakapahilayo sa maong dapit.

Dali nga gidala ang biktima sa Minglanilla District Hospital apan gibalhin kini sa Vicente Sotto Memorial Medical Center sa dakbayan sa Sugbu ug ang tulo ka mga suspetsado  padayon pa nilang gipangita.