Gisugdan na sa LTO ang pagusa sa rehistrasyon sa mga imported ug luhong sakyanan didto sa kaulohan.
Kini ang pamahayag ni LTO 7 Regional Director Raul Aguilos nga nahinabi sa Banat News sa iyang buhatan.
Matud pa ni Aguilos nga niadtong petsa 11 ning bulana nila gisugdan ang maong implementasyon base kini sa mando ni LTO Assistant Secretary Reynaldo Berroya.
Matud pa ni Aguilos kini aron paglikay sa mga palusot nga maoy hinungdan nga hilabihan ka kontrobersiyal ang duha ka ahensiya ang Customs ug LTO.
Gumikan niini tanang mga bag-ong sakyanan nga miabot dinhi sa Sugbu mohikay una sa ilang initial registration sa maong sakyanan didto sa kaulohan sa ilang Central Office sa LTO sa dili pa sila moparehistro dinhi sa Sugbu.
Gihimo usab kini sa mga opisyal sa LTO aron malikayan ang subling nahitabo nga kontrobersiya diin ang LTO Cebu maoy nabuthan sa tanang akusasyon nga gikan sa Sugbu ang mga sakyanan nga gipalusot ug ang uban niini wala makabayad sa buhis sa ilang paghupot sa mga mahalong sakyanan. (Bong Soriano)