Nitahan kagahapon sa buntag ang 60-anyos nga suspek sa pagpatay sa usa ka lalaki diha sa tigbakayan ug mihimakak nga siya maoy naghingi kundili siya maoy “gihingian” og kwarta sa biktima ug nangangkong siya maoy nakulatahan.Ang nitahan mao si Luncio Dayap, gipasanginlang nidunggab walo ka higayon kang Marlon Senerpida, 30, atol sa dinumogay diha sa tigbakayan niadtong Domingo sa hapon sa pista sa Plaza Housing sa nahisgutang barangay.Si Dayap dihang gihinabi sa Banat News diha sa iyang karsel mipakita sa iyang mga bun-og sa kalawasan ilabi na sa dakong samad sa iyang agtang ug sa mihubag ug milagom nga tuong bukton nga iyang gipangangkong pruweba nga self-defense ang iyang gihimo. Ang Homicide Section gikatakdang mopasaka og kaso karong adlawa batok sa suspek sa pagpatay kang Senerpida.