Army reservists dunay briefing sa CSCST, 6PM

Ang 701st Community Defense Center sa 7th Regional Community Defense Group nanawagan sa mga Reservist sa Philippine Army nga ubos sa 1st Ready Reserve Battalion pagtambong sa briefing sa pagpahigayon sa solemn procession sa imahen ni Sr. Sto. Niño ugma, Sabado.

Si Col. Roque Calagui Jr., group commander sa 7RCDG nagkanayon nga ang briefing ipahigayon karong  alas 6 sa hapon sa Cebu State College of Science and Technology Main Campus.

Sumala pa ni Calagui nga ang over-all in-charge sa prosesyon nga si Bro. Boy Miranda ang mopahigayon sa briefing.

Ang 1st RRBn nga ubos sa pagmando ni Maj. Richard Sison maoy mopahigayon sa pag-kordon sa karosa sa imahen sa Balaang Bata.