Probinsiya way klase sa Enero 21

Usa ka memorandum ang giduso ni  DepEd provincial Supervisor Recaredo Borgonia kagahapong adlawa sa ilang regional office alang na sa paghatag og special class sa mga tinun-an sa elementarya ug sekondarya sa Central Visayas ug sa probinsya sa Sugbu nga misalmot sa Sinulog Grand Mardi Gras karong petsa 20 ning buwana.

Si Borgonia nga gikahinabi sa Banat News nagkanayon nga  kadtong mga tinun-an nga mosalmot sa Sinulog di mabiyaan sa klase.

Kini tungod kay bisan tuod  dili kaayo daghan sa mga tinun-an sa elementarya ug sa sekondarya sa probinsya ug central Visayas ang miapil niini dili sila mopatuman sa gihimo sa DepEd sa dakbayan nga adunay klase sa pagka-Lunes petsa 21.

Matud pa niini nga naandan na sa  probinsya sa Sugbu nga human sa Sinulog aduna gyoy holiday nga ipatuman alang niadtong mga misalmot nga mga tunghaan.

Gipanghinaot niini nga ang maong awhag aksyonan gilayon ni director Carolino Mordeno, aron mapatuman gilayon sa mga division superintendent sa mga eskwelahan.

Dugang pa niini nga ang mga contingent sa probinsya andam na kaayo nga mosalmot sa mardi gras karong Domingo, nga mokabat sa unom ka mga contingent sa elementarya ug sekondarya.

Samtang adunay kapin sa napulo ka mga contingent nga out-of-town gikan sa silinganang probinsya.