Si Talisay city veterinarian Galileo Larawan mibutyag nga pag-asumer niya og balik sa ihawan guba na ang digital weighing scale niini apan dihang wala pa siya mobiya dili pa kini guba hinungdan nga mi-request siya sa siyudad nga mopalit og laing timbangan.
Gawas sa maong problema gikataho nga dunay mga tindero og karne nga nagbagolbol nga dugay na ma-deliver ang mga karne nga ilang gipaihaw sa ihawan. Apan ang maong pasangil gihimakak ni Larawan.
Matud ni Larawan nga ang mga namaligya og karne maoy magbuot kun unsang orasa ipahatod ang ilang karne diin angayan unta nga silang naa sa ihawan ang angayang magbuot sa oras.
Si Larawan mitataw nga ang mga namaligya og karne ang angayan gyud nga mopaubos sa seminar sa National Meat Inspector Service (NMIS) aron ma-edukar kini kabahin sa ‘chiller room’.
“Ilang gusto diha-diha dayon mahuman unya pila ka hundreds , mahuman diay? Automatic diay? Nga maayo man og highly mechanized na siya?”
Buot ipasabot ni Larawan nga gatosan ang ilang ihawon nga mga hayop ug dili gyud kini mahuman dayon tungod kay dili highly mechanized ang ilang mga ekipo.
Niadtong Nobiyembre 26 pormal nga girekomendar ni Mayor Socrates Fernandez si Larawan nga modumala pagbalik sa ihawan human kini moluwat sa maong katungdanan.