Nabuslot ang agtang sa usa sa upat ka mga lalaking luwan og motorsiklo nga nabiktima sa hit and run human sa usa ka wala mailhing passenger minibus nga magbiyahian og Carcar sa miaging gabii diha sa National highway barangay Tuyan, City of Naga.
Patay dihadiha ang biktimang si Dennis Andrew Abad 18, ug naangol usab ang tulo niining kauban nga sila si Jeffrey Cañada 26, Joseph Badayos 18, ug Windy Cruz 15, pulos residente sa Sangi Calajo-an, Minglanilla Cebu. Ang motorsiklo gimaneho ni Cañada.
Matud pa sa kapolisan ang mga biktima paingon sa habagatang bahin luwan sa usa ka motorsiklo.
Matud pa, usa ka Reynaldo Ubas nga nagsakay og motorsiklo niadtong tungora nagsunod sa minibus gikan sa dakbayan sa Sugbu ug paingon sa Carcar.
Pag-abot sa nahisgutang dapit iyang nakit-an nga ni-overtake si Cañada sa minibus ug igo lang nakalusot nakadungog siya nga nipaka ang dulong sa minibus ug misutoy.
Apan kagahapon sa alas sa kaadlawon ang drayber sa minibus nga sesidente sa Pulpogan, Consolacion ug boluntaryong mitahan sa kapolisan sa dakbayan sa Naga.