Way nabuthan na-ospital sa Mandaue, Lapulapu
Gikalipay sa mga mananambal ug nurse on duty sa upat ka mga goberno ug pribadong tambalanan sa dakbayan sa Mandaue ug Lapulapu nga sa unang higayon “zero” o walay nalandig nga mga biktima sa pabuto sa ilang mga tambalanan.
Base sa namonitor sa Banat News sukad sa milabay'ng Disyembre 24 sa buntag hangtod sa petsa 25 adlaw sa Pasko mga alas 6 sa buntag walay gikatahong nalandig sa Lapulapu District Hospital, Mactan Doctors Hospital sa dakbayan sa Lapulapu.
Sa dakbayan sa Mandaue usab walay nalandig sa tambalanan sa
Gumikan niini, mapasalamaton si Mandaue City Health Officer Dr. Oscar Quirante ug Lapulapu City Health Officer Dr. Rodolfo Berame sa maong kalambuan gumikan kay unang higayon kini nga walay nabiktima sa pabuto nga miabot sa ilang mga tambalanan.
Nanghinaot ang duha ka mga health officers sa duha ka dakbayan nga hangtud sa pagsugat sa Bag-ong Tuig ug pagliwas niini susama ang mahitabo nga walay mabiktima sa pabuto.
Samtang si Lapulapu City Police Office Director Supt. Louie Oppus mapasalamaton kini sa katawhan sa dakbayan sa Lapulapu nga naleksiyon na sa paggamit sa pabuto ug ila na kining gipahimutang sa seguro nga walay maangol.
Apan padayon nga mipasidaan si Oppus nga ila gihapong padayonon ang pagsuhid sa mga namuhat ug namaligya og mga pabuto nga ilegal aron kini masumpo ug dili kini makabiktima sa umaabot nga pagsugat sa Bag-ong Tuig.
- Latest
- Trending
