P10,000 sa PNP ihatag next week

Madawat gyud ang tag P10,000 sa tanang polis sa tibuok Central Visayas karung petsa 26 sunod semana.

Si Police Regional Office-7 Chief Supt Ronald Roderos sa miaging adlaw mikompirmar nga madawat sa sunod semana ang bonus sa tanang polis. Kini nunot usab sa giluwatang pamahayag ni Pangulong Gloria Macapagal Arroyo nga makadawat og tag P7,000 ang tanang sakop sa PNP nga gigahin sa National Government.

Gitataw ni Roderos ang dugang P3,000 gikan sa panudlanan sa Philippine National Police (PNP)

Giawhag ni Roderos ang iyang sakop nga dili magdali-dali nga molusot dayon ang maong kantidad   tungod kay gipaagi pa sa saktong proseso.

Ang maong kantidad ipaagi sa tseke ug dili usab madali-dali ang pagpamirma niini sumala pang Roderos

Samtang giawhag usab ni Roderos ang iyang mga sakop nga mo-contribute og ensakto sa ilang trabaho tungod kay sakto ang  suporta sa kagamhanan sa lalawigan sa Sugbu.