Lalaki gisukmag patay
Patay dihadiha ang usa ka lalaki sa dihang nabunal ang ulo sa semento human kini sukmaga sa laing lalaki sa pikas lamesa samtang ang biktima nakig-inom sa iyang mga kauban niadtong Sabado sa gabii diha sa merkado publiko sa Cogon East, Carmen, Sugbu.
Ang gisukmag ug namatay pag-abot sa tambalanan giilang si Gerald Lucero, hingkod, ug residente sa barangay Corte sa samang lungsod.
Samtang ang gitumbok nga misukmag sa biktima giila sa kapolisan nga si Ricky Berot, ulitawo, nga lumolupyo ra usab sa maong barangay.
Segun sa report nga gipadangat sa Cebu Provincial Police Office nasayran ang biktima nakig-inom niadtong tungora sa iyang mga kauban sa merkado publiko apan kalit lang siya nasuko sa iyang kaubang gikainom nga si Norberto Damiles ug iya kining gisukmag hangtud nga mitumaw ang komosyon sa ilang grupo.
Matud sa taho sa kapolisan nga naresolbar ang komosyon pipila ka minutos ang nakalabay tali sa biktima ug kang Damiles apan ang suspek nga dili kauban sa biktima kinsa niadtong tungora diha sa pikas lamesa miduol ngadto sa biktima ug walay daghang estorya mipalupad sa iyang kumo ug mitugpa ngadto sa tampihak nga maoy nakapatumba sa biktima ngadto sa semento ug nakuyapan.
Daling gihatod ang biktima sa iyang mga kauban ngadto sa
Si SPO2 Mario Giangan nga gikahinabi sa
Hinuon nahilot na ang maong kagubot ug nagtan-aw na lang og salida sa telebisyon ang biktima duol sa ilang giimnan apan ang iyang mga kauban padayon gihapong nag-inom, dugang pang SPO2 Giangan.
Matud ni SPO2 Giangan nga posibleng nasuya o ba kaha mipalit sa away ang suspek hinungdan nga iya kining giduol ug gisukmag.
Human sa maong hitabo, ang suspek dali usab nga misibat palayo sa maong dapit ug wala na gyud madakpi sa kapolisan.
Si SPO2 Giangan ug iyang mga kauban mihimo og hot pursuit nianang alas 5 sa kaadlawon niadtong Domingo diha sa panimalay sa suspek apan nakalayat sa panimalay ang suspek.
Hinuon giandam na ang kasong murder sa kapolisan batok sa suspek.
- Latest
- Trending
