Nalandig sa tambalanan ang usa ka lalaki human pusila sa iya ra usab nga amahan samtang nagtan-aw og salida sa telebisyon sa ilang silingan sa miaging semana pasado alas 4 sa hapon diha sa barangay Esperanza sa lungsod sa Poro Isla sa Camotes.
Samdan sa tiyan ang biktimang si Raul Gorgonio, 25, ulitawo ug ang gipasanginlang nipusil mao ang iyang amahang si Raul, 53, residente sa nahisgutang dapit.
Segun sa report nga gipadangat sa Cebu Provincial Police Office (CPPO) nasayran, diha sa balay sa ilang silingan ang biktima apan nabantayan niini ang pag-abot sa iyang amahan nga nagdala og wala matinong kalibre sa armas.
Matud pa sa taho ang suspek gimanduan niini ang anak nga pagawason sa balay ug dihadiha nigawas kini apan didto miagi sa luyo nga pultahan sa balay sa ilang silingan pero nakit-an sa amahan ang biktima dayon gipusil ug naigo diha sa tiyan.
Ang biktima daling gihatud sa Maningo District Hospital didto sa San Francisco Camotes
Ang suspek nasikop ra usab sa gihimong hot pursuit operation sa kapolisan sa Poro ug kasamtangan na karung gitanggong sulod sa detention cell.
Ang kapolisan padayon pang nag-imbestigar sa maong kaso.