Condom dili luwas vs AIDS – Bullecer

Dili  gihapon luwas ang usa ka lalaki  gikan sa sakit nga HIV ug  AIDS  bisan mogamit og condom nga maoy gihingusgan sa pagsugyot sa kagamhanan alang sa luwas nga pakigsex.

Kini ang gipadayag ni Dr.  Rene Josef  Bullecer nga maoy executive director sa AIDS-Free Philippines atol sa kasaulogan sa World AIDS Day  niadtong miaging adlaw.

Matud pa niya nga walay laing paagi alang sa paglikay sa pagtakboy sa sakit nga HIV o AIDS  mao ang dili pagpataka lang og pakighilawas sa mga babaye nga dili asawa.

“The only way to avoid HIV or AIDS is fidelity with your wife or husband,” nagkanayon si Dr. Bullecer.

“We will never adopt the mentality of complacency  because this virus strike anybody,” dugang pa niya.

Sumala pa niya nga ang World AIDS Day natigayon mga 15 na ka tuig ang nakalabay ug pinaagi niini ang mga pangulo sa matag nasud  nagpasiugda sa awareness alang sa kalibutanon nga pagpakabana.

Si Bullecer miingon nga sa mokabat 220 ka mga nasud sa kalibutan  nasuta nga wala usa niini nga miangkon nga ang HIV- AIDS  dili suliran sa ilang mga nasud.