Naangol ang usa ka 60 anyos sa sunog sa barangay Dapdap lungsod sa San Remegio niadtong miaging adlaw.
Ang nasunog nga panimalay gipanag-iya sa usa ka Eldefonso Lobitania, 61, samtang ang napaso mao ang iyang asawang si Nena.
Matod sa report nga nahipos sa San Remegio Police Station nadawat ang alarma sa sunog alas 7:30 sa gabii ug sulod lang sa 5 minutos nasumpo ang maong sunog apan na-abo ang panimay sa pamilyang Lobitania nga ginama lang sa light materials ug nidanyos og P40 mil.
Subay sa report nga gipadangat sa Cebu Provincial Police Office (CPPO) nasuta nga ang gipasagdan nga lamparilya maoy hinungdan sa maong sunog samtang nangatulog ang magtiayong Lobitania.