3 ka ahente sa BID-7 kutob karon nalang
Kutob na lang karong adlawa ang gitagal sa tulo ka mga ahente sa Bureauof Immigration and Depotation (BID 7) nga gipasaninglang nangilkil og P500 mil sa usa ka Koreano sa milabayng bulan sa Oktobre ning tuiga.
Base sa memorandum nga giluwatan ni BI administrative division Chief Felino Quirante Jr. sa kaulohan niadtong Nobiyembre 21, 2007 ug nadawat sa BID 7 Nobiyembre 22 diin naghatag sa tulo ka akusado og 72 oras sa pagtubag sa mga alegasyon ni Lee Dong Bum kalabot sa pagpangilkil ngadto kaniya.
Sa maong memorandum kinahanglan nga mosumiter sila ni Immigration Officer I Dilausan Montor ug duha ka mga ahente nga si Mabert Impas ug Daniel Gumba sa ilang pinanumpaang tubag sa mga alegasyon ni Lee nga gilakip sa pagsukip sa maong memorandum.
Kahinumduman nga sa affidavit ni Lee ang tulo ka BID-7 personel nakigkita kaniya ang tulo ka mga akusado uban sa iyang mga dokumento ug sa dihang nakakita kini og kalapasan si Lee sa iyang working permit gipangayuan kini ug balor P500 mil bugti sa pagsulbad sa iyang papeles.
Si Lee nga gidak-an sa maong kantidad midangop sa NBI 7 hinungdan sa maong entrapment operation nga gihimo sa NBI ug pagkasikop sa tulo ka BI agents.
Matud pa ni BID-7 regional director Geronimo Rosas gumikan sa election ban wala pa makahimo og dugang aksiyon ang ilang ulohang buhatan batok sa mga kaso sa iyang mga tawo.
Hangtod ning pagsuwat sa balita, wala pa makasumiter ang tulo ka akusado sa ilang tubag diin karon na lang adlawa ang katapusang adlaw nga gitagal sa BID
- Latest
- Trending
