Mag-uuma sa Tuburan wa mahulga

Wala na mahulga pa ang mga mag-uuma didto sa Barangay Marmol lungsud sa Tuburan kinsa mga sakop sa Bayan Muna Central Visayas nga gikatahong padayong gipang-harras sa mga sakop sa militar ug sa kapulisan.

Ang secretary general sa Bayan Muna Central Visayas Arman Perez, nagkanayon nga ang maong isyu wala na kini hatagig importansya sa mga mag-uuma sa maong dapit kini tungod kay tataw naman usab kaayo nga ang gihimo sa 78th IB usa lang ka political harrasment.

Nunot niini ang ilang karong gitinguha mao nalang ang lakang sa pagpadali nga makagawas diha sa Cebu Provincial Detention and Rehabilitation Center ang napulo ka mag-uuma nga napriso gumikan sa kasong pagpangawat.

Ilang gipanghinaot nga kaminosan usab ang bail sa maong mga piniriso diin sila sa Bayan Muna maoy moabaga niini.

Samtang ila usab nga gitahod ang mga mag-uuma sa pagpangayog panabang sa lokal nga kagamhanan sa Tuburan nga matabangan usab ning ilang kasong giatubang.

Subay niini ila karong gitun-an ang pagsang-at og reklamo sa huwes sa Toledo City nga si Judge Cesar Estrera   kinsa ni-isyu sa maong warrant of arrest kini tungod kay aduna silay mga papeles nga makapamatuod nga ang Penro mi-isyu og dokumento nga ang luna nga gikabangian nabutang kini sa timberland nga gipanag-iya sa gobiyerno.