Miabot na ang computers forensic expert sa Criminal Investigation and Detection Group sa Anti-Transnational Crime Division sa Camp Crame aron maoy mosusi sa laptop computer, cellphones ug usa ka personal electronic organizer sa gibanhigang Hapones niadtong Martes.
Si Sr. Supt. Jorge Corpuz, regional officer sa CIDG-7 nagkanayon nga dili basta ordinaryong polis lang ang pwedeng mokubi-kubi sa mga ebidensyang nakuha diha sa crime scene lakip na niini ang laptop ug electronic gadgets ni Hiroshi Kusaka.
“Computers and cellphones are evidences, hindi basta lang kinakalikot ng kung sino, only the forensic experts. Because they are the only qualified persons to testify as expert witnesses. Pwede nating buksan pero masisira ang sanctity ng evidence, baka ma-question tayo dahil hindi naman tayo ang expert sa mga ganyan,” pasabot pang Corpuz.
Si Kusaka gibanhigan sayo sa buntag samtang sakay sa van padulong unta sa Mactan Cebu International Airport aron mobalik sa ilang nasud. Hangtud karon wala pa mailhi ang duha ka lalaking mibanhig kaniya.
“It might give us clues, it might support our theories, because he is a businessman baka na- expressed niya ang sarili niya sa computer,” dugang pang Corpuz.
Ang maong computer expert nga si PO1 Enrique Burdeos sa CIDG-ATCD nagdala og usa ka forensic laptop nga nagkantidad og P1.3 milyones alang sa pagkopya sa sulod sa laptop ni Kusaka nga di matandog ang files niini ug bisan na ang oras nga napatik sa maong laptop dihang ulahi kining gigamit sa tag-iya.
Si Burdeos mipasabot sa mga operatiba sa CIDG-7 nga bisan pasigahon lang ang maong laptop mausab na ang oras niini sanglit mapapas ang katapusang orihinal nga na-rekord niini nga gituuhan usab nga maoy takna nga ulahing paggamit ni Kusaka sa maong laptop.
Ang drayber ug mao usab ang sinaligan ni Kusaka nga si Efren Rosales gikasuhan na og obstruction of justice human kini gikatahong misugo sa usa ka janitor sa Mandaue City District Hospital nga hugasan ang van tungod sa kadaghan sa dugo.