PO3 Lumayag suportado ni Comendador
Si Cebu City Police Office director, Sr. Supt. Patrocinio Comendador mitataw nga lehitimo ang pagpusil ni PO3 Inocencio Lumayag, Jr. sa polis nga si PO1 Luther Lapinig niadtong milabay’ng adlaw diha sa dalan Garfield sa barangay Pahina San Nicolas.
Si Comendador mitug-an sa mga tigbalita nga lehitimo ug naa sa posisyon si Lumayag sa pagbuhat sa iyang responsibilidad isip
Una niini mao nga niresponde ra kini sa alarma human pahibaw-a sa iyang mga silingan kabahin sa usa ka armadong tawo, ikaduha mao nga taga diha siya maong di na kinahanglan siyang mag-uniporme ug ang ikatulo mitawag kini og backup daan sa Mobile Patrol Group samtang mipadulong sa dapit diin ang maong armadong tawo makit-i.
Dunay mga testigos nga mitug-an sa mga imbestigador sa Homicide Section nga wala mopatuo si Lapinig kang Lumayag dihang mipaila ang naulahi nga siya polis ug gisinggitan kini pag-isa sa iyang mga kamot.
Sumala pang Lumayag nga imbes moisa sa iyang kamot gibunot hinuon ni Lapinig ang iyang kalibre 9mm pistol ug gipusil kaduha si Lumayag kinsa niadtong tungura nagpasalipod nang daan sa
Tungod niini mibawos si Lumayag og natapsingan si Lapinig diha sa sampot apan nakadagan pa gihapon kini. Sumala pa sa igsuon ni Lapinig nga si Donald,19, ang iyang maguwang ang giunhan og pusil ni Lumayag ug napugos lang kini og bawos tungod kay nakasibilyan ra usab si Lumayag niadtong tungura.
Ang kagubot nahitabo tungod sa panagbikil sa mga batan-on nga gikalambigitan sa manghod ni Lapinig nga si Donald, ilang ig-agaw nga si Reynan Espiritu,18, ug sa ilang ka-boardmate nga si Jose Raga, Jr. pulos nag-abang og balay diha sa dalan Garfield.
Si Donald daling mipahibalo sa iyang maguwang pinaagi sa cellphone kabahin sa pagparegla kaniya sa grupo sa mga batan-on, dihang miabot ang maong polis gikatahong migara hinuon si Donald ug gikulata ang magsuong Jeanne ug Leo Nanoy.
Si Jeanne nga gihinabi sa
Wala na siya makapanagang tungod kay naigo ang iyang tuong mata ug na - knockout samtang ang iyang manghod nga si Leo pagkakita sa hitabo daling mitabang pakigharong apan nahadlok tungod kay diha si Lapinig nga naghupot og armas.
Dali usab hinuon nilang gigukod ang grupo ug diha na maabti ni Lumayag ug nisunod na ang sinukliay og bala. Apan atol sa engkwentro, naigo ang duha ka sibilyan nga sila si Rowel Abarri,27, sa agtang ug si Dario Encarnacion sa tuong bahin sa ilong.
Ang duha ka polis parehong mipasangil nga ang usa’g-usa maoy niuna og pusil ug kasamtangan pang gisusi kung si kinsa ang nakaigo sa duha ka sibilyan, apan base sa gitug-an sa mga biktima ug sa mga testigos diha sila sa luyong bahin ni Lumayag ug ang unang mipabuto sa pusil mao si Lapinig.
Si Comendador nagkanayon nga katungod ni Lapinig nga mokiha kang Lumayag tungod sa pagkapusil niini.
Apan kung basehan ang testimonya sa mga testigos si Comendador nagkanayon nga posibleng sad-an si Lapinig sa insidente.
“In territorial unit, you can operate without coordination, outside territorial area kinahanglang mo-coodinate sa local police or the nearest police station,” asoy pang Comendador.
Si Comendador mipahimangno sa iyang mga sakop nga kung moresponde og alarma gawas sa ilang hurisdiksyon kinahanglang pahibaw-on gyud ang labing duol nga police station aron dili magka-mis-encounter.
Dugang pa ni Comendador nga dunay leksyon nga makat-unan sa maong insidente kabahin sa pagresponde sa
Si Monilar sa iyang bahin, hepe sa Homicide Section nagkanayon nga lehitimo usab ang pagresponde ni Lumayag tungod kay taga diha kini, nanawag og backup nga tukma kaayo sa proseso.
“It can’t be denied that Lumayag is responding to an alarm, Lapinig is not assigned to CCPO, kung moadto siya sa alarma he should have coordinated with the CCPO, plus pa ang iyang appearance nga nag-shorts, pinutol nga sinina ug nag-tsinelas and carrying a gun is dangerous,” asoy pang Monilar.
Kasong frustrated homicide ang ipasaka sa CCPO batok kang Lapinig samtang gipaabot usab ang pormal nga reklamo sa managsuong Nanoy batok kang Donald, Espiritu ug Raga.
- Latest
- Trending
