Usa ka 18-anyos nga lalaki kinsa mieskapo sa Regional Rehabilitation Center for Youth (RRCY) diha sa lungsod sa Argao niadtong Septiyembre niining tuiga nadakpan og balik sa usa ka polis nga nadestino sa Liloan Police Station sa miaging hapon diha sa sitio Landing, barangay Catarman Liloan.
Ang nadakpan giilang si Rafael Matugina Nillas, ulitawo ug residente sa sitio Landing, Catarman.
Segun sa report nga naabot sa Cebu Provincial Police Office (CPPO) si Nillas nadakpan sa kapolisan sa Liloan Police Station niadtong Hulyo 28 pasado alas 4 sa hapon pinaagi sa warrant of arrest sa kasong murder nga giluwatan ni Judge Ulric Cañete sa RTC-7 branch 55 sa dakbayan sa Mandaue ug gipadala ngadto sa RRCY sa lungsod sa Argao.