Canvassers sa Talisay gipanalipdan ni Buac

Gipanalipdan sa kadagkuan sa Commission on Election (Comelec-7) ang pipila ka mga sakop sa Board of  Canvassers (BOC)sa dakbayan sa Talisay  ug lungsod sa Dalaguete nga nasayop pag-tally sa figure sa botos  nga miresulta sa "dagdag-bawas" niadtong milabay'ng barangay  ug SK-election hinungdan nga dunay pipila ka kandidato pagka konsehal nga napildi apan na-proklamar nga mananaug ug duna poy mananaug nga napilde na hinuon.

Apan gibutyag ni Comelec-7 regional director Atty. Rene Rey Buac sa dihang nahinabi sa Banat News nga walay "liability" kon tulobagon ang maong mga sakop sa BOC tungod kay mao pa man gani kini ang nakadiskobre sa maong kasaypanan sa tuyo nga ila  kining makorihean.

Matud ni Buac nga makonsiderar lang nga dunay tulobagon ang mga hingtungdan kun nadiskobrehan ang maong mga sayop apan nagmagahi gyud pagkoriher niini ang mga hingtungdan.

Nagkanayon si  Buac nga nagpakita lang kini nga naningkamot gyud sila nga makaserbisyo sa tinarong nga paagi.