Gipusil sa tulisan

Naliog ang usa ka habalhabal driver human kini  gipusil human gitulis sa tulo niya ka pasahero ug dili pa gyud igo gidagit ang motor niini didto sa Sitio Sambag,   San Vicente lungsod sa Liloan kagahapon sa kadlawon.

Ang biktima mao si Ronnie Mancio, legal ang panuigon, residente sa maong dapit ug usa ka drayber sa habalhabal.

Base sa pasiunang imbestigasyon sa kapolisan sa lungsod sa Liloan nasayran nga samtang sakay kaniya ang tulo ka suspetsado pag-abot sa maong dapit kalit lamang kini mition sa usa ka kalibre .45 ug mideklarar nga tulis.

Gumikan sa iyang pagsukol ngadto sa tulo ka tulisan kalit kining gipusil sa usa ka tawo hinungdan nga kini adunay samad pinusilan sa iyang liog.

Gidali kini sa pagdala sa Chong Hua  Hospital ug padayon pa kining gi-obserbahan sa mga mananambal, samtang dali usab  nga nakasibat sa maong dapit ang tulo ka suspetsado dala ang iyang motorsiklo isip sakyanan sa paglayas sa maong dapit.

Ang kapolisan sa lungsod sa Liloan padayon kini nga miimbestigar sa maong kaso alang sa paghatag  og hustisya ngadto sa biktima.