Magsuong naparot gipusil sa polis
Nahitabo ang pagpamusil pasado alas 9 sa gabii diha sa sitio Batawang barangay Tabunok, lungsod sa Tabuelan.
Duha ka version sa report naabot sa Cebu Provincial Police Office (CCPO), una gikan sa managsuon ug ang
Ang gipasanginlang namusil giila nga mao si SPO1 Victor Agang, 47, nga nadestino sa Tabuelan Police Station samtang ang namasangil mao ang managsuong sila si Raymund Gallo, residente sa sitio Batawang, barangay Tabunok ug Zito Gallo, residente sa barangay Olivo sa samang lungsod.
Silang duha pulos nagpapili pagka kapitan sa ilang tagsa-tagsa ka barangay niadtong milabay’ng eleksyon apan pulos usab nangaparot.
Base sa taho, ang managsuong Gallo miakusar nga samtang si Zito diha sa panimalay sa iyang igsuong si Raymund kalit lang niabot si SPO1 Agang sakay sa iyang motorsiklo dayong pamusil kanila apan suwerting walay nangaigo.
Human niadto, si SPO1 Agang misakay’g balik sa iyang motorsiklo ug nagpahinay og padagan ug giusban na usab sila og pusil sa maong polis apan wala gihapon sila mangaigo.
Sa iyang bahin sa SPO1 Agang nagkanayon nga nianang pasado alas 8 sa gabii nagsakay siya sa motorsiklo padulong sa balay sa iyang ig-agaw nga si Gigi Seno diha sa Proper Tabunok aron kuhaon ang iyang rasyon nga bugas.
Apan sa iyang pag-abot duol sa panimalay ni Raymund kalit lang siya nakadungog og sunodsunod nga sipang buto sa armas nga nagikan sa balay ni Raymund.
Nagtuo si SPO1 Agang nga siya maoy target sa maong pagpamusil hinungdan nga mipasirit siya og padagan paingon sa balay sa ig-agaw aron sa pagpangayo og tabang apan natulog na.
Si SPO1 Agang nakahukom nga moadto nalang sa police station aron siya luwas sa peligro.
Nagtuo si SPO1 Agang ang motibo sa pagpamusil kaniya nagagikan sa ilang panaglalis sa usa ka ginganlan og Ozoot kinsa supporter ni Raymund Gallo sa milabay’ng eleksyon ug matud pa nga milaban usab si Raymund sa ginganlan og Ozoot sa ilang panaglalis isip iyang supporter.
- Latest
- Trending
