Mensahero sa  bangko gipusil

Kritikal ang kahimtang sa usa ka lalaki nga mensahero sa bangko human pusila sa duha ka wala mailhing tawo nga nagsakay og motorsiklo sa miaging gabii diha sa dalan Good Shepherd, sitio Gun Club, Barangay Banawa, Guadalupe niining dakbayan.

Si Christopher Agusto Leciones 33, minyo, messenger sa Metro Bank residente sa nahisgutang dapit ang paingon na untang mopauli apan duha ka lalaki kinsa nagsakay og motorsiklo nga itom Baja Kawasaki ang walay plaka ang kalit lang mitungha ug  mipusil ngadto sa biktima.

Sa imbestigasyon sa grupo ni SPO4 Alex Dacua sa homicide section nga si Leciones nagsakay usab kini sa iyang kolor puwang XRM nga motorsiklo gikan sa Metro Bank ug gidikit kini sa mga mipusil kaniya.

Si Leciones nakaangkon og usa ka samad pinusilan sa likod nga bahin sa iyang ulo.

Human sa maong pagpamusil ang duha ka nahisgutang lalaki ang mipasutoy og padagan sa ilang gisakyang motorsiklo pahilayo sa lugar.

Si Leciones  daling gidala diha sa Cebu Doctors Hospital niining dakbayan.

Ang homicide section mihimo og follow-up nga imbestigasyon sa maong hitabo.