“Level one” pusher nadakpan
Nasikop sa kapolisan ang usa ka mahuyang nga gipasanginlang level 1 drug pusher diha sa Sitio Ilog, barangay Opao dakbayan sa Mandaue sa milabay’ng hapon.
Ang nasikop mao si Elmer Binarao, 25, residente sa maong dapit.
Si Binarao nakuhaan og lima ka gagmay’ng pakete lakip na ang buy bust money nga 100 ka pesos atol sa gipahigayong saturation drive ug buy bust operation sa maong dapit.
Matud pa ni PO1 Sedric Castillo sa kapolisan sa station 5 sa MCPO nasayran nga dugay na nilang gipanid-an si Binarao nga nagpayuhot og ilegal nga drugas sa maong dapit diin anaa na kini sa level 1, hinungdan sa iyang pagkasikop.
Gumikan niini pasakaan og kasong kalapasan sa Sec. 5, 11 ug 12 ubos sa RA 9165 kon kalapasan sa Dangerous Drugs Act human sa pagpahiling sa mga ebidensiya ngadto sa PNP crime laboratory.
- Latest
- Trending
