Hepe sa RIDMD gikasuhan sa hepe sa BPPO
Ang pangulo sa Bohol Provincial Police Office (BPPO) nga si Sr. Supt. Edgardo Ingking mipasaka og kasong misconduct batok ni Sr. Supt. Arturo Evangelista, hepe sa Regional Investigation and Detective Management Division (RIDMD).
Ang reklamo ni Ingking pormal nga giduso ngadto sa buhatan sa National Police Commission (Napolcom) aron paimbestigahan.
Nunot niini ang Napolcom nihimo gilayon og Pre-charge Evaluation batok ni Evangelista.
Sa press release, si Evangelista mipasangil sa Bohol Provincial Police Office ubos sa pagdumala ni Ingking nga dunay daghang lapses usa na niini ang kapakyas pagsikop sa Meloy Garcia Robbery Group human sa maduguon nga pagpanulis sa maong grupo sa Bank of Commerce niadtong Agosto 28, didto sa Tagbilaran ug kini giduso ngadto ni kanhi Regional Director sa PRO-7 Chief Supt. Silverio Alarcio Jr.
Dugang pasangil mao ang kakulang sa police visibility sa Tagbilaran hinungdan ang pagtumaw sa mga hold-up sa maong siyudad sa wala pa tulisa ang Bank of Commerce.
Ug ang kakulang sa pagka-agresibo sa follow-up human sa tulis sa grupo sa Meloy Garcia Robbery Group, ug ang pagkalangay pagsumiter sa report ngadto sa ROPD/ (R3) alang sa impormasyon sa command group.
Si Ingking niakusar nga nabasahan niya ang pamahayag ni Evangelista sa usa sa mga pamantalaan nga nagbase didto sa Bohol, Septiyembre 16 nga isyu nga nangangkon ug nakahinumdum siya (Evangelista) maoy “creator” sa naila nga Bohol Tourist Police sa dihang siya pa maoy BPPO apan sa tinuod matud pang Ingking, ang Bohol Tourist Police gimugna niadto pang 2001 sa panahon ni Sr. Supt. Sancho Bernales isip Provincial Director sa BPPO.
Busa ang report ni Evangelista ngadto ni Alarcio nakapaubos kaayo sa moral ngadto ni Ingking isip director sa BPPO ug ingon man kinatibuk-ang imahe sa tibuok puwersa sa kapolisan sa Bohol.
Matud pa ni Ingking ang report ni Evangelista ngadto kang Alarcio gibase lang niya sa report nga ninggawas sa media.
Ang pre-charge evaluation gitapos lang sa Napolcom sulod sa tulo ka adlaw ug ang Regional Director sa Napolcom Atty. Bernardo Calibo nirekomendar nga si Evangelista mag-atubang og grave misconduct ug Dishonesty with Aggravating circumstance.
Si Ingking miawhag pa sa Napolcom nga ipaubos si Evangelista sa preventive suspension apan gisalikway tungod kay nagkinahanglan pa ang approval niini.
Si Calibo nirekomendar usab sa summary hearing officer nga maoy tahasan sa kaso ni Evangelista.
Karung Lunes gitakda nga i -forward sa Napolcom ang case folder ug rekomendasyon sa buhatan sa Presidente sa nasud aron pangayuon ang approval tungod kay gikonsederar ang hingtungdan
Sa higayon nga maaprobahan sugdan dayon ang hearing sa kaso ubos sa memorandum sa Napolcom sirkular no. 2007-001.
- Latest
- Trending
