Consumerism itudlo na sa mga high school
Ma-edukar na unya ang mga tinun-an sa high school dili lang dinhi sa Sugbu kun dili sa tanang tunghaan lukop nasud, labot sa "consumerism".
Kini tungod kay i-apil na sa Department of Education (DepEd) ang consumer education sa high school curriculum.
Ang maong lakang giingong maoy kabahin sa pagtuman sa DepEd sa Article 154 Chapter 2 sa Consumer Welfare Act of the
Isukip sa DepEd ang consumer education diha sa Social Studies, Values Education, Mathematics, Science, MAPEH, English, Filipino ug Technical and Livelihood subjects.
Sa iyang habig, gihangop ni Cebu City Schools Division Superintendent Lorna Rances ang maong kalambuan.
Matud ni Rances, angayan lang masayod ang mga tinun-an sa balaud labot sa fake products, service warranties, ug uban pa.
Kini aron ila usab nga mahibaw-an ang ilang katungod, responsibilidad ug mga pribilihiyo isip konsumidor, taliwa sa kalinghod sa ilang pangedaron.
Giklaro hinuon ni Rances nga dugay na nilang gisukip ang consumerism sa pipila ka mga subject sa high school ilabina sa matag kasaulugan sa consumers’ month.
Karong buwana, giobserbar na usab sa nasud ang consumers’ month ug gipaabot nga itudlo gihapon ang consumerism ngadto sa mga tinun-an sa high school.
- Latest
- Trending
