Polis nagpabuto

Gibati og kalisang ang residente diha sa Barangay Upper Mohon dakbayan sa Talisay human ang usa ka polis mipasalba sa iyang armas niadtong Biyernes sa gabii.

Ang residenteng misumbong giila sa mga polis nga si Albert Echavez, 41-anyos, residente sa nahisgutang lugar kinsa mitaho diha sa kapolisan sa Barangay Poblacion kabahin sa maong insidente.

Ang suspetsado mao si  PO1 Sin Delos Reyes, 26, nadestino sa Regional Mobile Group (RMG) nga nagbase sa lungsod sa Sibonga.

Base sa imbestigasyon sa kapolisan sa Talisay nga sa walay igong rason mihulbot sa iyang pusil si Delos Reyes dayong pabuto.

Si Echavez ug ang ubang mga residente gibati og kalisang sa maong hitabo.

Ang kapolisan mipahigayon og follow-up nga imbestigasyon sa maong insidente.