MCPO nagproblema nasad sa  kakulang sa mga patrol cars

Gipadangat  na ni Mandaue City Police Director Alexander Abadinas ngadto kang Mayor Jonas Cortes ang ilang mga nag-unang suliran nga nasinati karon sa ilang buhatan.

Naglakip niiini ang kakulang sa mga sakyanan human mo-expire ang kontrata sa RDAK Transport Corporation ang giabangan nga multicab ug mga Terrano patrol.

Si Abadinas miingon nga gitinguha karon sa mayor nga ma-renew ang kontrata sa pag-abang sa maong mga sakyanan ug anaa na kini karon sa konseho sa dakbayan alang sa ilang pag-uyon  niini.

Dugang gitinguha ni Abadinas mao ang pagbalhin og laing lugar sa Police Station 1 nga temporaryong nahimutang sa ikaduhang andana sa nasunog nga merkado publiko sa barangay Centro.

Matud pa niya nga ang   ang kabaho ug kalisod sa pagkabutang sa mga polis nga nadestino sa maong lugar maoy nakaaghat kaniya sa pagbalhin sa maong buhatan ngadto sa laing lugar.

Gipasabot ni Abadinas nga masingo ang kabaho sa mga binilanggo sa  detention cell sanglit wala man kini kaugalingong tubig ug pansayan.

Sa miaging Annual General Inspection (AGI) sa Police Regional Office (PR0) 7 nakita gyud ang maong mga kakulangan.