Dakong kuwartasa aquarium fishes

Usa ka seminar bahin sa "Culture and Production of Ornamental Fishes" ang gitakdang ipahigayon karon Agosto 18,2007, gikan alas 8 sa buntag hangtud alas 4:30 sa hapon diha sa Department of Agriculture, M. Velez St., Cebu City.

Ang manambong sa maong seminar tudloan unsaon pagbuhi ug pagpalambo sa aquarium fishes kun mga isda nga gihimo pang--adorno sa panimalay sama sa goldfish, angel fish, Japanese koi, guppies, mollies ug uban pa.

Suma pa sa mga eksperto dakong negosyo ang maong ornamental fishes. Mas mahal ang maong matang sa mga isda kun itandi sa food dishes kun mga isda nga kan-onon. Apan kini masayon ra kaayo nga buhion ug palamboon kun suheto ang nagbuhi niini sa mga hustong pamaagi.

Alang sa dugang kasayuran kabahin sa seminar sa "Culture and  Production of Ornamental Fishes," tawag sa Cebu Integrated Farmers Multi-Purpose Cooperative (CIFMPC) pinaagi nila ni Rose Canastra, Tel. 261-2129, Mary Yu 345-8021 o ni Dr. Annie Atillo 261-7184.