Pormal ng giturn-over sa PNP Crime Laboratory ang mga gisakmit nga kabtangan sulod sa Starex Van ni Mayor Adelino Sitoy kagahapon sa buntag human gibasura sa piskalya sa Lapulapu ang kasong illegal possession of firearms ug paglapas sa Comelec Gun Ban.
Ang giuli sa kapolisan mao ang usa ka nine-millimeter pistol, usa ka armalite rifle uba sa mga magazine ug bala niini, mga importanteng dokumentos, campaign materials, cash nga P299,000 ug uban pa.
Apan usa sa mga armas nga nasakmit sa van nga KG-99 machine pistol uban sa mga magazine ug bala niini wala iapil og uli sanglit wala kini lisensya ug kini giturn-over ngadto sa FESAGS.
Matud pang Dr. Nestor Satur, ang director sa PNP Crime Lab-7 nga ang ilang giuli mao ra kadtong naa sa resolusyon sa piskalya nga ipauli ug ang KG-99 wala malakip niini.