Loot mibahad nga mosumbalik-kiha ni Corro

Mibahad si Bise Mayor Maria Luiza Loot sa Daanbantayan nga mosumbalik siya sa pagpasakag kaso batok kang Augusto Corro tungod sa giingong padayong pagpanghasi kanila pinaagi sa pagpunay ug petition sa korte ug Comelec labot sa resulta sa election sa ilang lungsod.

Si Loot nga nahinabi sa DyDD mipasangil nga ang gibuhat ni Corro pagpanghasi sa ilang pamilya ug wala na motahod sa korte nga maoy nipahigayon sa recounting sa mga balota.

Sumala pa niini nga gusto sa kampo ni Corro nga ipagawas nga nanikas sila sa milabay nga election bisan nga tataw kaayo ang 2 mil kapin ka botos nga labaw sa iyang anak nga mao karon ang mayor nga si Sun Shimura samtang siya milabaw og 4 mil botos.

Gihulagway ni Loot nga insulto sa taga Daanbantayan ang mga lakang ni Corro ug daw buot ipagawas niini nga daghang hinimo-himong balota pabor sa mga Loot.

Ang maong petition kasamtangan pang nag-ungot sa Korte Suprema ug gipaabot nga karong Nobiyembre ipagawas ang resulta.