Napusilan ang usa ka polis human sa nahitabong pinusilay sa duha ka gidudahang tulisan nga nagmotorsiklo samtang nagpatrolya uban sa Barangay Intelligence Network (BIN) sa miaging gabii diha sa Yati Liloan.
Samdan sa walang kamot si PO1 Teogenes Montejo Flores,Jr. sakop sa Liloan Police Station kinsa daling mimaneho sa patrol car paingon sa Eversly Hospital sa Mandaue aron magpatambal.
Duha ka mga lalaki nga gidudahang mga tulisan ang gitumbok nga mipusil sa biktima sakay sa motorsiklong walay plate number.
Ang biktima uban sa mga BIN nagpatrolya sa nahisgutang lugar ug nasigpatan ang duha ka mga kadudahang lalaki duol sa balay sa gidudahang drug pusher hinungdan nga ila kining giduol aron unta sitahon apan nanagan kini balik sa ilang motorsiklo ug nipasirit paingon sa sitio Tambulanac sa maong barangay.
Nahitabo ang gidukdanay sa grupo ni Flores apan ang usa sa duha ka gidudahang tulisan nipusil sa biktima apan wala makaigo hinungdan nga nagsinukliay sila og bala apan ang polis ray naigo.
Matud pang SPO4 Eleazar Salomon nakumpirmar nga ang duha ka mga lalaki mga tulisan sanglit sa wala pa ang hitabo duha ka tawo ang nagpa-blotter kanila human sila gitulis ug nakuhaan og duha ka cellphone.
Matud ni SPO4 Salomon ang pamahayag sa duha ka lalaki nihaom sa gihatag nga description nga nag-short lang ug walay plate number ang motorsiklo sa gikapinusilay ni PO1 Flores.