Samdan ang manag-live in nga vendor og utanon human sila gitabangan og bukbok ug gipusil sa manag-inahang ilang kaaway kagahapon sa buntag diha sa sitio San Roque sa barangay Pardo ning dakbayan.
Parehong nalandig sa tambalanan sila si Gonzalo Taladro,31, ug kapuyo niining si Carmi Agripo, 25, pulos residente sa maong dapit dihang gidagmalan sila ni Manolo Mejellano, 20 ug inahan niining si Maura, 43.
Sumala pang PO3 Henry Pelayo sa Homicide Section kasamtangang nagtabi ang duha diha sa maong dapit dihang kalit lang miabot ang mga suspek ug gikalalis ang laing silingang vendor nga si Marciana Ybañez.
Ang duha misuway unta pag-ulang kanila apan kalit nga gibukbok ni Maura og bato ang ulo ni Agripo hinungdan sa pagkasamad niini samtang ang anak ni Maura nga si Manolo mipusil usab kang Taladro diha sa tuong bahin sa liog.
Daling miikyas si Manolo apan nadakpan si Maura sa kapolisan samtang gidala sa tambalanan ang managtiayon.
Matud pang Orbiso daan nang dunay panagbangi ang mga biktima ug suspek tungod sa panag-ilogay sa pwesto diha sa Carbon market.