Labi pang magmabinantayon ang kapolisan karong ipatuman na ang balaod nga Human Security Act matud pa ni Supt. Juanito Enguerra, hepe sa Provincial Intelligence Bureau PIB sa Cebu Provincial Police Office CPPO.
Kini maoy reaksyon ni Enguerra sa mga kabalaka sa kaparian kalabot sa katahap nga malagmit mogara sa pagpangabuso ang kapolisan ug militar mayatakan na ang tawhanong katungod.
Si Enguerra nagkanayon nga ang maong balaod dili lamang para sa mga sibilyan kundili wala kini gipili sanglit bisan unsa ka dakong opisyal sa gobyerno.
Una niini gipalanog ni Obispo Angel Lagdameo sa Catholic Bishop Conference of the Philippines CBCP ang pasidaan sa dakong kalagmitang pagkurog sa kadaghanan kon ipatuman na kining maong balaod tungod sa kasayon pasanginlan sa usa ka tawo nga terorista ilabi na kon modepensa siya sa iyang katungod sa panahong initan siya sa awtoridad.
Matud pang Enguerra mas mangingking sila sa ilang lihok tungod kay sa higayong mosipyat silag dyutay mas bug-at and silot nga ikapahamtang ngadto kanila sa kagamhanan.