Hingpit nga ipasaka ang kaso batok sa tulo ka mga customs official ug duha ka customs brokers human masuta sa Ombudsman ang nahimo nilang kalapasan sa Republic Act 3019 kun Anti-Graft and Corrupt Practices Act.
Kini gimando ni Ombudsman Ma. Mercedetas Gutierrez kinsa dinhi sa Sugbu kagahapon alang sa pagpirma sa Memorandum of Agreement (MOA) ug sa Mactan Island Chamber of Commerce and Industry isip watchdog batok sa kurakot nga opisyal sa gobiyerno.
Ang gipasakaan sa maong mga kaso mao sila si Angel Go, Acting Chief Warfinger Habib Diator ug Conrado Rivera ug ang customs brokers nga sila si Joven Cesar Abuda, ug Emmanuel Carollo.
Sa 12 ka pahina nga resolusyon nga giluwatan sa Ombudsman Visayas maoy nasuta nga lig-on ang basehanan sa ilang kalapasan nga ilang nahimo base sa Republic Act 3019.